Het jy al gemerk hoe kortstondig ‘n asemrowende sonsondergang is?
Een oomblik is ons tydelike woning se dak ‘n skouspel van die allermooiste skemer skakerings en dan woeps …. is dit eensklaps weg!
Sommge dae kry ek hiervan ‘n blik in my motorfiets se truspeëltjie. Ander kere is ek gelukkig genoeg dit in al sy glorie te aanskou wanneer ek haastig met die hondtjies gaan stap.
‘n Paar weke terug het ek die kans gekry om kaalvoet in die Sederberge ‘n sonsondergang te bewonder. Terwyl die kleureprag in die donkerte verflou het ek dankbaar gedink aan die dinge wat waarlik saak maak. Die aandster het skaam-skaam sy verskyning gemaak en saggies ‘n aandlied van hoop geneurie.
Dis dan wanneer mens jouself kan troos as jou drome so ver soos die maan lyk. Dan kan jy saggies vir jouself sê: “toemaar, môre probeer ek weer.”
Pragtig!
LikeLiked by 1 person
Goeie goed is skaars. wat sal dit mooi goed maak? Waardeer dt terwyl dit daar is.
LikeLiked by 1 person
Baie waar Olga. Nou sit ek eers so bietjie en herkou aan wat jy nou gese het.
LikeLike
Mooi bly mooi. So ;n sonsondergang maak mens mos eintlik nostalgies.
LikeLiked by 1 person
Die lekkerste is om dan sommer so plat op jou bas op die gras te gaan sit
LikeLike
Baie waar. Maar soms is selfs die kort tydjie wat die son ondergaan ‘n ewigheid hier binne jou hart se onthou 🙂
LikeLiked by 1 person
Jy se dit so mooi!
LikeLiked by 1 person
Ag dankie 🙂
LikeLike
Ja …. more kan mens weer probeer…
LikeLiked by 1 person
Watter pragtige beeld! Gisteraand kon ons ook so ‘n skemerkelkie geniet.
LikeLiked by 1 person
Dis een van die voorregte wat ek geniet as ek laatmiddag gaan stap. Soveel keer is ek diep ingedagte, maar soveel keer stop ek, en kyk en kyk en kyk… dis so mooi!
LikeLiked by 1 person
Jy sien seker die mooise kaleidoskope. Middagstappies is so lekker, veral as jy jouself en nie die honde, vir ‘n stappie neem.
LikeLike
Ek gaan stap en my hond gaan stap… maar ek dink beide vergeet soms van die ander een. 🙂
LikeLiked by 1 person
As ek met my span sirkushondtjies gaan stap is dit gewoonlik ‘n storie. Hulle dink mos ALLES is snaaks en mens moet nogals ‘n ogie oor hulle hou.
LikeLiked by 1 person
Sonsak is my gunsteling deel van die dag.
Ek hoop die Kaap werk saam met my besoek in Mei om ‘n paar sonsondergange te sien.
Ja, ek weet. Reen, wind en water is al wat die Kaap my ooit gee.
LikeLiked by 1 person
In daardie geval sit ek my bestelling vir goeie weer vir jou tydens daai week in!
LikeLike
Is self mal oor sonsondergange. Ek dink dis iets waarvoor mens maar die tyd voor kan laat stilstaan (sjoe, weet nie oor daardie grammatika nie…), want dit kan so vlietend en asemrowend wees!
LikeLiked by 1 person
Jy het ‘n punt beet, mens moet eintlik vir jou ‘n koppie koffie regkry en met jouself ‘n me-time afspraak maak net voor sonsondergang. Dan kan mens darm stilstaan en so bietjie perspektief oor die lewe weer kry.
LikeLiked by 1 person